அமரன் பட வெளியீட்டிற்கு சோசியல் மீடியாவில் எதிர்ப்பு… காரணம் சாய்பல்லவி வெளியிட்ட கருத்தா..??
SK மற்றும் சாய்பல்லவியின் நடிப்பில் ஒரு இராணுவ வீரரின் நிஜ கதை படமாக வருகிற தீபாவளி அன்று வெளிவர உள்ளது.இப்படத்திற்கென ரசிகர்கள் மற்றும் ஆதரவாளர்கள் கூடிய நிலையில் தீடிரென சோசியல் மீடியாவில் இப்படத்தை புறக்கணிக்க வேண்டுமென எதிர்ப்புகள் வெளியாகியுள்ளது படக்குழுவினரை அதிர்ச்சிக்குள்ளாக்கியது.
அமரன் படத்தில் கதாநாயகியாக வரும் சாய்பல்லவி அவர்கள் 2022 ஆம் ஆண்டு பேட்டி ஒன்று அளித்துள்ளார்.அதில் அவர் வன்முறைகளில் எனக்கு நம்பிக்கை இல்லை.காஷ்மீர் பைல்ஸ் என்கிற படத்தில் இந்துக்கள் தீவிரவாதிகளால் கொல்லப்பட்டதை காட்டியுள்ளனர் இது பயங்கரவாதம் என்றால் இஸ்லாமியர் பசுவை அழைத்துச் சென்றதால் அவர்கள் மீது தாக்குதல் நடத்திவிட்டு ‘ஜெய் ஸ்ரீ ராம்’ கோசம் எழுப்பியதும் பயங்கரவாதம் தானே இரண்டுக்கும் என்ன வித்தியாசம் என்று கேள்விகளை அப்போது எழுப்பியுள்ளார்.
இந்த வீடியோ இணையத்தில் வைரல் ஆகி வழக்குப்பதிவும் ஆனது இதற்கு சாய்பல்லவி அவர்கள் எல்லா மனிதர்களும் ஒன்றே அவர்களை ஜாதி, மதம், இனத்தால் பிரிப்பது சரியானது அல்ல என்று விளக்கம் கொடுத்திருந்தார்.தற்போது மீண்டும் அந்த வீடியோ வைரல் ஆகி வருகிறது.இதனால் சிலர் இவர் நடிக்கும் அமரன் படத்தை புறக்கணிக்க வேண்டும் அனைவரும். ஜெய் ஸ்ரீ ராம் சொல்ல மறுக்கும் நீங்கள் எதற்காக ராமாயணம் திரைப்படத்தில் சீதா தேவியாக நடிக்க வேண்டும் எனவும் கேள்வி எழுப்பி வருகிறார்கள்.
