ஜோதிட சாஸ்திரத்தின் படி பல்லி இங்கெல்லாம் விழுந்தால் இப்படி நடக்குமா..!!
அனைத்து வீட்டிலும் பல்லிகள் இருப்பது என்பது இயல்பு தான்.ஜோதிட சாஸ்திரத்தின் படி பல்லி இங்கு விழுந்தால் இந்த பலன் அங்கு விழுந்தால் ஒரு பலன் என நம் முன்னோர்கள் எழுதி வைத்துளார்கள். அதுபடி பல்லி எங்கெல்லாம் விழுந்தால் என்னென்ன பலன் என்று பார்க்கலாம்.
இடது கை மற்றும் காலில் பல்லி விழுந்தால் தொடர்ந்து மிக நல்லது நடக்குமாம் மிக மகிழ்ச்சியுடன் இருப்பதாகவும் சொல்லிருக்கிறார்கள். அதேபோன்று வலது கால் மற்றும் கைகளில் விழுந்தால் உடல் நல பிரச்னை மற்றும் கேடு வரவும் வாய்ப்புள்ளதாம்.
பாதத்தில் பல்லி விழுந்தால் வெளியூர் மற்றும் வெளி நாடுகளுக்கு செல்ல வாய்ப்பு அதிகம் இருக்குமாம்.தொப்புள் பகுதியில் பல்லி விழுந்தால் விலை மதிப்பற்ற ஆபரணங்கள் மற்றும் பொருட்கள் கிடைக்குமாம். தொடையில் பல்லி விழுந்தால் பெற்றோர்க்கு கேடும் வலது மார்பில் பல்லி விழுந்தால் மிகுந்த லாபமும், இடது மார்பில் பல்லி விழுந்தால் மிகுந்த சுகமும் கிடைக்குமாம்.
மேலும் இடது கழுத்தில் பல்லி விழுந்தால் வெற்றியும், வலது பக்கத்தில் விழுந்தால் பகையும் ஏற்படுமாம். இவ்வாறு ஜோதிட சாஸ்திரங்கள் பலன் கூறுகிறது. எங்கே பல்லி விழுந்தாலும் சரி முதலில் குளித்து விட்டு கோவில் செல்வது மிக நல்லது. கோவில் செல்ல முடியவில்லை என்றால் குளித்து விட்டு பூஜை அறை சென்று வழிபடலாம்.
