ஆடு திருட்டியவரை வசமாக போலீஸில் சிக்கவைத்த ஆடு.. என்ன ஒரு சாமர்த்தியம் பாருங்க இந்த ஆட்டுக்கு..!
பொதுவாக குரங்கு, நாய், ஆடு, பூனை போன்ற உயிரினங்கள் அதி புத்திசாலியாக இருப்பதும், ஆபத்து காலத்தில் அவர்களுக்குள் காப்பாற்றிக் கொள்வதையும் தமிழ் திரையுலகில் ராம நாராயணனின் படங்களில் தான் பார்த்திருப்போம். ஆனால் இப்போது உண்மையிலேயே அப்படி ஒரு சம்பவம் நடந்துள்ளது. இங்கே ஒரு ஆட்டின் புத்திசாலித்தனத்தினால் தன்னை திருடிச் சென்றவரை போலீஸிடம் சிக்கவைத்துள்ளது
இந்த சுவாரஸ்ய சம்பவம் குறித்துத் தெரிந்துகொள்ளத் தொடர்ந்து படியுங்கள். திருநெல்வேலி மாவட்டம் சுத்தமல்லி அருகில் உள்ள கொண்டாநகரம் பெருமாள்கோயில் தெருவைச் சேர்ந்தவர் அருணாச்சலம். தனியார் கம்பெனி ஒன்றில் வேலைசெய்துவரும் இவர் வீட்டில் ஆடு, கோழி வளர்த்து வருகிறார்.இவர் வளர்ந்து வந்த ஆடு ஒன்றும், அதன் இருகுட்டிகளும் மேய்ச்சலுக்குப் போய்விட்டுத் திரும்பவில்லை.
தெரு, தெருவாகத் தேடியும் ஆட்டைக் காணவில்லை. கடைசியில் அருணாச்சலத்தில் அம்மா மலையாச்சி, ஆட்டைத் தேடிப்போன போது பக்கத்து தெருவில் ஒரு வீட்டில் இருந்து இவர்கள் ஆட்டின் சத்தம் கேட்டுள்ளது. உடனே மலையாச்சி போய் பார்த்தபோது வீட்டிற்குள் இவர்கள் ஆடும், குட்டியும் கட்டிப் போடப்பட்டு இருந்தது.
உடனே அந்த வீட்டிற்குள் போய் கேட்டபோது, அந்த ஆடுகளை சந்தையில் இருந்து 11 ஆயிரம் ரூபாய் கொடுத்து வாங்கியதாக அந்த வீட்டுக்காரர் சொல்லிவிட்டார். போலீஸ் வரை விசயம் சென்றது. உடனே போலீஸார் ஆட்டை அவித்து விடச் சொன்னார்கள்.உடனே ஆடு மலையாச்சியை உரசிப் பார்த்துவிட்டு மகிழ்ச்சியில் குதித்தது.
. தொடர்ந்து அங்கிருந்து தன் ஓனரான மலையாச்சி அருணாச்சலம் வீட்டுக்குப் போய் வழக்கமாகத் தண்ணீர் குடிக்கும் இடத்திற்குப் போய் தண்ணீர் குடித்தது. தான் யார் வீட்டு ஆடு? என ஆடே சொல்லிவிட்டதாக போலீஸார் ஆட்டை அருணாச்சலம் வசம் ஒப்படைத்தனர். ஆட்டைத் திருடிவிட்டு நாடகமாடிய கயவர்களிடம் தொடர்ந்து விசாரணை நடந்துவருகிறது.
